Գլխավոր տնօրենի ուղերձը

     Հարգելի բարեկամ,
 
     Շնորհակալություն Վեոլիա Ջուր ՓԲԸ պաշտոնական կայք այցելելու համար: Այն ստեղծվել է ֆրանսիական Veօlia Group - ի չափանիշներին համապատասխան ու նպատակ ունի մեր համակարգը հասանելի դարձնել հանրությանը: Հուսով եմ, որ դուք այստեղ կգտնեք ձեզ հետաքրքրող հարցերի պատասխանները:
     2017թ.-ից ընկերությունը վարձակալության 15-ամյա պայմանագրով ձեռնամուխ է եղել Հայաստանի ջրամատակարարման ու ջրահեռացման համակարգերի կառավարմանը: Իսկ կոմունալ ոլորտը փողոց է երկկողմանի շարժումով, որով հաջողությամբ ընթանալու կարեւորագույն պայմաններից մեկը «ջրամատակարար-հանրություն» կապի ամրապնդումն է ու փոխշահավետ կառուցողական երկխոսության ծավալումը: Այս նպատակին է ծառայում կայքը, որը կոչված է մի կողմից մեզ տեղյակ պահել սպառողների խնդիրների մասին, մյուս կողմից՝ ընկերության գործունեության ու ձեռքբերումների, նպատակների ու ծրագրերի, օրենսդրական դաշտի ու կողմերին ներկայացվող պահանջների մասին իրազեկել հանրությանը:
     Եղեք ակտիվ ու նախաձեռնող: Մի՛ հապաղեք դիմել կայքին ձեզ հետաքրքրող հարցերով, ծանոթացե՛ք ձեր իրավունքներին ու պարտականություններին, օգնե՛ք մեզ ի հայտ բերել ընկերության աշխատանքում առկա թերությունները, բարձրացնել սպասարկման որակը եւ այդ կերպ համատեղ ուժերով բարելավել ջրամատակարարման ու ջրահեռացման ծառայությունները ողջ Հայաստանում:
 
     Համագործակցության ակնկալիքով՝
     Գոռ Գրիգորյան
nkar