Իջևանը այն եզակի համայնքներից է, որտեղ ջրաղբյուրից բաժանորդ ճանապարհին ոչ մի կաթիլ ջուր չի կորում։ Այստեղ կորուստները նվազագույնի են հասցված։ Յուրաքանչյուր բաժանորդ ամսական կտրվածքով մոտ 23 խորանարդ մետր ջուր է օգտագործում։
«Վեոլիա ջուր» ընկերությունն էլ իր հերթին մշտապես գույքագրում է բնակիչների կողմից բարձրացված խնդիրները, հատկացնում անհրաժեշտ ֆինանսական, նյութական միջոցներ ու ձեռնամուխ լինում դրանց լուծմանը։ Այժմ Իջևանում, ըստ առաջնահերթությունների, քայքայված կոյուղագծեր և ջրագծեր են փոխարինվում նորերով։