Այսօր «Վեոլիա Ջուր» ընկերության կենտրոնական լաբորատորիան կրկին հյուրեր ուներ. «Քիմիա» առարկայի նախագծային աշխատանքների շրջանակում այս անգամ էլ մեզ հյուրընկալվել էին Երևանի Սպանդարյանի անվան թիվ 24 դպրոցի 9-րդ դասարանի աշակերտները: Ինչպես միշտ, ընկերության կենտրոնական լաբորատորիայի ղեկավար Նաիրա Բիլյանն ու մյուս աշխատակիցները հատուկ պատրաստվել էին աշակերտների այցին: Դպրոցականներին ներկայացնելով ջրի ճանապարհը բնական աղբյուրից մինչև ծորակ՝ տիկին Բիլյանը պատմեց, թե ինչպես են օրվա կարգավորիչ ջրամբարներից կատարվում նմուշառումները, ջուրը քիմիական և մանրէաբանական ինչ ստուգումների է ենթարկվում մինչև սպառողին հասնելը և այլն: Քիմիական բաժնում դպրոցականները ծանոթացան քլորացման պրոցեսին ու մասնակցեցին ջրի կոշտության աստիճանի որոշման աշխատանքներին: Իսկ մանրէաբանական բաժնում մասնակցեցին մանրէաբանական հետազոտությանը, ինչպես նաև աշխատեցին մանրադիտակի հետ:Այցից գոհ ու տպավորված՝ մեր հյուրերը հավաստիացրին, որ այստեղ ստացած արժեքավոր տեղեկատվությունն անպայման տեղ կգտնի իրենց նախագծային աշխատանքներում:
