Վեոլիա Գրուպի Առողջության և անվտանգության ներկայացուցիչները Վեոլիա Ջրում

Օրերս Հայաստանում էին Վեոլիա Գրուպի առողջության և անվտանգության տնօրեն Նունո Պերիկոն և Կենտրոնական Եվրոպայի երկրների գոտու Առողջության և անվտանգության տնօրեն Թերեզա Գոդոյը:   Այցի նպատակը՝ 

• ընկերության աշխատակիցների առողջությանը և անվտանգությանն ուղղված ռիսկերի կանխարգելման,

• անվտանգության վերաբերյալ գիտելիքների ամրապնդման և շարունակական բարելավման,

• աշխատողների շրջանում աշխատունակության կորստով պայմանավորված վնասվածքների, մահվան և      մասնագիտական հիվանդությունների դեպքերի կանխարգելմանն ուղղված աշխատանքների

• Վեոլիա Գրուպի կողմից առողջության և անվտանգության ապահովման վերաբերյալ տրված հանձնարարականների կատարման արդյունքների գնահատումն էր:

Մեր հյուրերն այցելել են ընկերության հիդրոտեխնիկական կառույցներ և վթարավերականգնողական աշխատանքների վայրեր: Արդյունավետ կառավարման արդյունքում ընկերության համակարգում անվտանգ աշխատանքային պայմանների բարելավման և անվտանգ աշխատանքի մշակույթի ձևավորման ուղղությամբ տարված աշխատանքները գնահատվել են գոհացուցիչ: