Ավարտին է մոտենում Վեոլիա Ջուր ընկերության Ուրցաձորի 2 օրվա կարգավորիչ ջրամբարների և 1 քլորակայանի սանիտարական գոտու բարեկարգման աշխատանքները։ Ծրագրի շրջանակում «Արտաշատ» շահագործման տեղամասը 600 քմ սանիտարական գոտու համար կառուցել է մետաղական ցանկապատ և տեղադրել մուտքային դարպասներ՝ ապահովելով ջրամատակարարման կարևոր օբյեկտների պատշաճ պահպանությունն ու անվտանգ շահագործումը։ Բարեկարգված և հստակ սահմանազատված սանիտարական գոտիները կարևոր են ջրամատակարարման համակարգի անխափան և հուսալի շահագործման համար: Առաջիկա օրերին նաև տարածքի լուսավորության հարցը կլուծվի:
