Ստորև Կոտայքի մարզի Առինջ գյուղի ջրագծերն են։ 1940-50-ական թվականներին կառուցված թուջե և պողպատե խողովակները Վեոլիա Ջուրը փոխարինում է 2026 թվականի Պարտադիր կապիտալ աշխատանքների ծրագրի շրջանակում։ Խողովակների այսպիսի մաշվածությունն ու վթարային վիճակը չեն կարող չազդել ջրամատակարարման վրա՝ հանգեցնելով նաև ջրակորուստների։ Երբ խոսում ենք ջրամատակարարման խնդիրների, ընդհատումների կամ ջրակորստի մասին, կարևոր է նաև տեսնել, թե ինչ վիճակում են այդ ենթակառուցվածքները փոխանցվել ընկերությանը և թե ինչպիսի աշխատանք է կատարում ընկերությունը՝ այդ վիճակը շտկելու ուղղությամբ: Առինջում իրականացվող աշխատանքների նպատակը այս հին ջրագծերի փոխարինումն ու համակարգի վիճակի բարելավումն է։
