347 մլն դրամ ներդրում և Արմավիրի մարզի Արագած բնակավայրն ունի ամբողջովին նոր ջրամատակարարման ցանց: 2025 թվականին Վեոլիա Ջուր ընկերությունը Պարտադիր կապիտալ աշխատանքների ծրագրով փոխարինեց բնակավայրի 16 կմ հնամաշ և վթարային խողովակաշարերը, ինչի արդյունքում այսօր շուրջօրյա ջրամատակարարում ապահովելու համար գյուղ է մղվում 6 լիտր/վայրկյան ջրաքանակ՝ նախկին 23 լ/վ-ի փոխարեն: Վայրկյանում 17 լիտր ջրակորուստը դադարեցնելուց բացի, ընկերության «Էջմիածին» շահագործման տեղամասը սկսեց նաև Արագածի մուտքագծի վերակառուցման աշխատանքները:
Մինչ այժմ գյուղի ջրամատակարարումն իրականացվել է 4 տարբեր մուտքագծերով, որոնք վթարային էին, խնդրահարույց և բարդացնում էին կառավարումը: Նշված խնդիրներից խուսափելու համար այժմ կառուցվում է մեկ՝ 660 մետրանոց 160 մմ-ոց պոլիէթիլենե նոր մուտքագիծ: Այս մուտքագիծը կծառայի ոչ միայն Արագածին, այլև հարակից Աղավնատուն, Ամբերդ, Դողս և Ծաղկալանջ բնակավայրերին։ Արագածում խնայված ջուրը հատկապես ամռանն ուղղվելու է այս գյուղերին՝ խմելու ջրի պահանջարկը ամբողջովին բավարարելու համար։