[     News listing ](/hy/norowtyownner "  News listing")

 15 Հոկ. 2024 



 

 

 

   ![](/sites/g/files/dvc2946/files/styles/default/public/image/2024/10/bc64d5cd-51ca-4e74-aa8d-c668e20777c7.jpg.webp?itok=7GCcCLUp)   



Վանաձորում և Գյումրիում ավարտին են մոտենում 2024 թվականի Պարտադիր կապիտալ աշխատանքների ծրագրով նախատեսված ջրահեռացման ցանցի վերակառուցման աշխատանքները, որի համար «Վեոլիա Ջուր»-ը ներդրել է 164,7 մլն ՀՀ դրամ:

Այս տարվա ՊԿԱԾ-ով նախատեսված էր Վանաձորի 6 և Գյումրիի 4 հասցեներում կոյուղագծերի նորացման աշխատանքներ: Ծրագրում ընդգրկվել էին հատկապես խիստ վթարային և խնդրահարույց հասցեները, որտեղ շաբաթական մի քանի անգամ վթար կամ խցանում էր լինում:

Այժմ «Վեոլիա Ջուր» ընկերության կապալառու կազմակերպությունը Վանաձորի 4 և Գյումրիի 2 հասցեներում աշխատանքներն ավարտել է, այժմ վերակառուցվում են Վանաձորի՝ Խորենացի 2-րդ և Գյումրիի Նժդեհի 6-րդ շենքերի կոյուղիները: Իրենց հերթին են սպասում Վանաձորի Նարեկացի 6-րդ, 37-րդ ու Գյումրիի Շիրակացի 61-րդ թաղամասի 11-րդ, 15-րդ, 17-րդ, 19-րդ շենքերը: