Ընթացիկ աշխատանքներ

Ջրանջատման պատճառը համապետական նշանակության ճանապարհի շինարարությունն է
     Այսօր առավոտից Երևանի Մալաթիա-Սեբաստիա և Աջափնյակ վարչական շրջանների զգալի մասում, ինչպես նաև հարակից Զովունի, Փարաքար, Թաիրով, Արգավանդ, Գեղանիստ ու Ազատաշեն գյուղերում ջուր չկա: Սեպտեմբերի 25-ին ժամը 9.00-ից դադարեցվել է նշված տարածքների ջրամատակարարումը:     
nkar 10
     Պատճառը մայրաքաղաքի Բաբաջանյան-Չաուշի փողոցներ հատվածում նոր մայրուղու կառուցումն է, որի ավարտին Ադմիրալ Իսակովի պողոտան այս շրջանցիկ ճանապարհով կմիանա Աշտարակի խճուղուն: Մի խոսքով, գործը համապետական նշանակության է, հետևաբար, ներգրավված կազմակերպությունները պարտավոր են առաջացող խնդիրներին հնարավորինս արագ լուծումներ գտնել:     
nkar 12
     Այսպես, ըստ նախագծի՝ նորակառույց ուղին մի քանի տեղ հատում է տարածաշրջանի ջրամատակարարման բաշխիչ ցանցը, ինչն անհնարին է դարձնում վերջինիս հետագա շահագործումը: Մասնավորապես, Մալաթիա-Սեբաստիայում, «Հաղթանակ» թաղամաս տանող ճանապարհի սկզբնամասում ձևավորվող խոշոր տրանսպորտային հանգույցում կառուցվում է կամուրջ, որի հենասյունը «նստում է» ուղիղ 1000մմ տրամագծով «Արզական-Երևան» ջրատարի վրա: Այսօրինակ հանգամանքներով պայմանավորված, կապալառու «Խաչհար» ընկերությունն ամենուր կառուցում է ճանապարհը շրջանցող խողովակաշարեր ու դրանք հերթականությամբ միացնում է գործող ջրատարներին:     
nkar 13
     Նշված հատվածում գործի կեսն արվեց օգոստոսի 22/23-ին՝ նման դեպքերում անխուսափելի ջրանջատման պայմաններում: Այսօր երկրորդ ջրագծի միացումն է տրվում: Հետևաբար, պետք էր նորից ջրանջատում հայտարարել, ինչն իրականացվեց վաղօրոք՝ ի լուր հանրության: Իր հերթին, սպառողներին պատճառվող կենցաղային անհարմարությունները նվազագույնի հասցնելու համար, կապալառուն, օգտվելով առիթից, երեք վայրերում ևս նման աշխատանքների է ձեռնամուխ եղել:
     Այսպիսով, շինարարն առավոտից ստացել է «աշխատանքային լայն ճակատ» և գործի անցել: Աջակիցը ընկերության «Շահումյան» շահագործման տեղամասն է: Համատեղ ուժերով արվում է հնարավորը՝ աշխատանքը ժամ առաջ ավարտելու ու սպառողների ջրամատակարարման գործող ռեժիմը վերականգնելու համար:
 
ՇՆՈՐՀԱԿԱԼՈՒԹՅՈՒՆ՝ ՎԱՐԴԵՆԻՍԻՑ
vard
        Անկախության օրը Գեղարքունիքի մարզի Վարդենիս համայնքի բնակիչները նշեցին բնակավայրի հիմնադրման 190 եւ Վարդենիսի հերոսամարտի 100-րդ տարեդարձերի հետ:
     Հանդիսավոր տոնակատարության ընթացքում, որին մասնակցում էին Գեղարքունիքի մարզպետ Գնել Սանոսյանը, համայնքի ղեկավար Արամ Մելքոնյանը, ՀՀ ԱԺ պատգամավոր Թագուհի Թովմասյանը, Գեղարքունիքի մարզի համայնքների ղեկավարներ, հյուրեր, նաև պարգևներ հանձնվեցին Վարդենիսի զարգացման գործում իրենց ավանդն ունեցող անձանց ու կազմակերպությունների:
     Դրանց թվում էր «Վեոլիա Ջուր ՓԲԸ-ն: «Վարդենիս համայնքին բարձրակարգ ծառայություն մատուցելու, բնակիչների պահանջներին արագ ու արդյունավետ արձագանքելու և համայնքապետարանի հետ համագործակցության համար» ՇՆՈՐՀԱԿԱԼԱԳԻՐ ստացավ ընկերության «Վարդենիս» շահագործման տեղամասի պետ Արման Արշակյանը:
     Ինչ խոսք, հաճելի է, երբ աշխատանքը գնահատվում է: Բայց պարգևը նաև պարտավորեցվող է, քանի որ «հետ գնալու տեղ չի թողնում»: Ուրեմն՝ ջրամատակարարումը Վարդենիսում շարունակաբար կբարելավվի:
Երազանքներն իրականանում են «Վեոլիա ջուր» ընկերության հետ
Արագածոտնի մարզի Ոսկեվազ գյուղի բնակիչներ Մարիամ և Արման Ասլանյանները իրենց երեք 
Նկար 1
անչափահաս երեխաներին մեծացրել են սոցիալապես անապահով պայմաններում։
Նկար 2

Ընտանիքն անգամ զրկված է եղել խմելու ջրից, քանի որ չէր կարող կատարել անհրաժեշտ վճարումները։
 

Նկար 3

«Վեոլիա ջուր» ընկերությունը ձեռք մեկնեց և ջրագիծը հասցրեց մինչև Ասլանյանների տուն՝

Նկար 4

ապահովելով մանկահասակ երեխաներ ունեցող ընտանիքին մշտական խմելու ջրով։
 

նկար 6

 

«Վեոլիա ջուր» ՓԲԸ-ն «Երազանքի ճամբար»-ում
«Վեոլիա ջուր» ընկերությունն օրերս հյուրընկալվել էր «Վորլդ Վիժն»-ի կազմակերպած ամառային ճամբարում հանգստացող երեխաներին։
nkar 1
«Երազանքի ճամբար» ամենամյա այս նախաձեռնությունը ամառային
nkar 8

հանգիստը կազմակերպելու համար համախմբում է երեխաների տարբեր մարզերից և նպատակ ունի նաև նրանց մոտ զարգացնել կյանքի հմտություններ, փոխանցել նոր գիտելիքներ։
nkar 2
«Վեոլիա ջուր» ընկերության ներկայացուցիչների օգնությամբ նրանք այս անգամ
հնարավորություն ունեին կատարել մի մեծ «Ջրային ճամփորդություն» և ծանոթանալ, թե ինչ ճանապարհով է ջուրը հասնում իրենց բնակարաններ և, ընդհանրապես, ինչ կենսական նշանակություն ունի այն մեր կյանքում։
nkar  3
Իսկ վերջում կազմակերպված ջրով լի դույլով խաղը, որի ընթացքում մասնակից երեխաները
 
Nkar 5











պետք է առանց ջուրը թափելու դույլը դեպի հետ փոխանցելով տեղ հասցնեին, խորհրդանշում էր, թե որքան կարևոր է այսօր ջրի խնայողաբար օգտագործումը։  
nkar 7


 
Ոչ թե բանվոր ու տեսուչ, այլ Մասնագետ
«Վեոլիա ջուր» ընկերության շուրջ վեց տասնյակ աշխատակիցներ վերապատրատվեցին և ստացան ավարտական վկայականներ։
Արդեն երկրորդ տարին է, ինչ «Ֆրանս-հայկական մասնագիտական ուսումնական կենտրոն» Հիմնադրամը (ՖՀՄՈՒԿ) մասնագետներ է վերապատրաստում «Վեոլիա ջուր» ՓԲԸ համար:
Նկար 1

2018թ.-ից ֆրանսիական «Վեոլիա Գրուպի» կազմում գործող «Վեոլիա Հիմնադրամի» միջոցներով տեխնիկապես հագեցած հարմարավետ լսարաններում դասավանդվում են նոր առարկաներ ընկերության աշխատակազմի համար:
Ուսումնական ծրագրերն առավելագույնս հարմարեցվել են ֆրանսիական «Վեոլիա Գրուպի» չափանիշներին: Լիոն քաղաքի Ուսումնական Կամպուսից ստացված մասնագիտական գրականությունն ու կրթական ծրագրերը «Վեոլիա ջուր» ՓԲԸ Շահագործման, Առեւտրային եւ Որակի, առողջապահության ու անվտանգության ծառայությունների կողմից վերամշակվել են եւ հարմարեցվել հայաստանյան իրականությանը։ Ուստի ՖՀՄՈՒԿ-ի մասնագետների հետ միասին դասավանդում են նաև վերոհիշյալ ծառայությունների ներկայացուցիչները:
Նկար 2

Ընդհանուր առմամբ երեք տարվա ընթացքում նախատեսվում է փուլ առ փուլ վերապատրաստել 600 աշխատակցի: Դասընթացները բանվորական ու ինժեներական աշխատակազմի համար շարունակվում են 3 ամիս, իսկ մասնագետ-տեսուչների համար՝ 2 ամիս:
Օրերս հանդիսավոր պայմանններում ավարտական Վկայականներ ստացավ շրջանավարտների հերթական հոսքը: Ընդհանուր առմամբ մոտ 60 աշխատակից, որոնք ներկայացնում էին «Արևելք» ու «Արևմուտք» տարածաշրջանային տնօրինություններն ու Երևանի տարածաշրջանի առևտրային տնօրինությունը: Եթե նախկինում վերապատրաստվում էին միայն մասնագետ-տեսուչներն ու ջրմուղագործ բանվորները, ապա այս անգամ նրանց միացավ ինժեներա-տեխնիկական կազմը:
Նկար 3

Դասընթացներին մասնակից շուրջ երկու տասնյակ խմելու ջրով զբաղվող աշխատողներ ստացան տեղեկատվություն օգտագործվող խողովակների, դրանց տեսակների, տեխնիկական առանձնահատկությունների, ջրագծերի կառուցման ու շահագործման առանձնահատկությունների, աշխատանքերում կիրառվող տեխնոլոգիաների և տեխնիկական միջոցների մասին: Նույն հարցերի շուրջ, սակայն ավելի բարձր մակարդակով դասախոսություններ լսեցին և իրենց գիտելիքները ստուգեցին ու լրացուցիչ տեղեկություններ ստացան գրեթե նույնքան ինժեներատեխնիկական աշխատողներ: Իսկ 20 մասնագետ-տեսուչներ ընդլայնեցին իրենց գիտելիքները ջրաչափերի կառուցվածքի, դրանց տեխնիկական չափանիշների, շահագործման առանձնահատկությունների ու ջրի ծախսը գրանցելու կարգի վերաբերյալ, ինչպես նաեւ հմտացան բաժանորդների սպասարկման, աշխատավայրում սթրեսի կառավարման եւ հաղորդակցության գործում:
Նկար 4

Օրվա առթիվ ջրմուղագործներին ողջունեցին ու հետագա աշխատանքում հաջողություններ մաղթեցին ՖՀՄՈՒԿ-ի գործադիր տնօրեն Գոհար Գրիգորյանն ու «Վեոլիա ջուր» ՓԲԸ Որակի, առողջապահության և անվտանգության ծառայության պետ Դավիթ Ադամյանը: Երեկվա շարքային բանվորը, տեսուչն ու ինժեներն այսօր արդեն դարձան լիարժեք մասնագետներ իրենց ոլորտներում:
Նրանց պարգևատրելու գործում անմասն չմնաց նաև «Վեոլիա ջուր» ՓԲԸ տնօրինությունը: Քննությունններին առավել բարձր առաջադիմություն ցուցաբերած աշխատակիցների աշխատավարձը կբարելավվի՝ ի շահ ընդհանուր գործի:
ՑԱՅՏԱՂԲՅՈՒՐՆԵՐԻ ՋՐԻ ԿՈՐՈՒՍՏԸ ԿՆՎԱԶԻ. ԵՐԵՎԱՆՈՒՄ ՆԵՐԴՐՎՈՒՄ Է ՓԱԿԱՆԱՅԻՆ ՆՈՐ ՀԱՄԱԿԱՐԳ
«Վեոլիա ջուր» ընկերությունը սկսել է ցայտաղբյուրների փականային նոր համակարգի ներդրման պիլոտային ծրագիրը։ Նախատեսվում է Երևանի տարբեր հատվածներում ընդհանուր թվով 48 ցայտաղբյուրի վրա փականներ տեղադրել՝ ընկերության միջոցներով:
 
Ցայտաղբյուրների փականային նոր համակարգը թույլ է տալիս ձեռքի թեթև հպումով կրկին վերականգնել ջրի հոսքը, իսկ հեռանալուց հետո այն դանդաղ կմարի: Մայրաքաղաքում իրականացվող ծրագրի նպատակն է գործող ցայտաղբյուրների ջրի կորուստը նվազագույնի հասցնել:
 
Երևանը՝ ցայտաղբյուրների մայրաքաղաք

Ցայտաղբյուրները Երևանի այցետոմսն են և կենսական նշանակություն ունեն Հայաստանի արևային մայրաքաղաքի համար։
Նկար 10
Դեռևս նախորդ դարի սկզբից Երևանում մեծ տարածում գտավ այնպիսի հուշարձան-աղբյուրների կառուցումը, ինչպիսիք դժվար է գտնել որևէ այլ երկրում և այսօր ցայտաղբյուրները ոչ միայն ամռան շոգին ծարավը հագեցնելու ջրի սառնորակ աղբյուր են, այլև համարվում են Երևանի յուրահատուկ խորհրդանիշը: Զբոսաշրջիկին հատկապես զարմացնում է, որ մայրաքաղաքի յուրաքանչյուր փողոցում ու բակում կարելի է ջուր խմել`առանց վճարելու:
Իսկ Երևանյան ցայտաղբյուրներն առանձնանում են քաղցրահամ ու սառնորակ ջրով։
 
Փականային համակարգ՝ ջրի տնտեսում
 
Փականային նոր համակարգը նոր որակ կհաղորդի Երևանի ցայտաղբյուրներին և, չխաթարելով դրանց կանոնավոր աշխատանքը, միաժամանակ կտնտեսի հայկական լեռներից եկող քաղցրահամ ջուրը:
ցայտ 2
«Վեոլիա Ջուր» կազմակերպության մեր գործընկերների հետ պայմանավորվեցինք իրականացնել պիլոտային մի ծրագիր, որի նպատակն է գործող ցայտաղբյուրների ջրի կորուստը նվազագույնի հասցնել փականային համակարգի ներդրման միջոցով»:
 
ՀՀ Կառավարության Աշխատակազմի ղեկավար Էդվարդ Աղաջանյանի ֆեյսբուքյան էջում արված այս գրառումը զգալի հետաքրքրություն էր առաջացրել հանրության շրջանում։
 
Հարցադրման հրատապությունն ակնհայտ էր, քանի որ ջրի մեծ մասը կորում է աննպատակ: Հետևաբար, որքան կարևոր էր ցայտաղբյուրների կանոնավոր աշխատանքի ապահովումը, նույնքան էլ՝  քաղցրահամ ջրի տնտեսումը:
 
Խնդրի լուծման նպատակով «Վեոլիա ջուր» ՓԲԸ-ն սկսել է պիլոտային ծրագիր, որի շրջանակում նախատեսվում է քաղաքի տարբեր հատվածներում ընդհանուր առմամբ 48 ցայտաղբյուրի վրա փական տեղադրել: Այն իրականացվում է ընկերության միջոցներով և ծախսը մեկ փականի հաշվով յոթ հազար դրամ է կազմում։  
Ցայտ 3
Հուշարձան-աղբյուրներն արդեն ջուր են տնտեսում
 
«Մեկ օրում արդեն հասցրել ենք 8 հատ այսպիսի փական տեղադրել, շատ հարմար բան է բոլոր առումներով», - ասում է փականագործ Արտուշ Հարությունյանը:
 
«Վեոլիա ջուր» ընկերության «Կենտրոն» տեղամասի մասնագետները ցայտաղբյուրի վրա փական են տեղադրում Թումանյան փողոցում՝ մեծ Վարպետի տուն-թանգարանի հարևանությամբ: Աշխատանքը երկար չտևեց, քանի որ մասնագետները բազմահմուտ էին։ Օպերայի բակում նոր համակարգի ներդրման աշխատանքներին հետևում էր նաև ընկերության «Արևելք» տարածաշրջանային տնօրեն Կարապետ Օհանյանը:
 
«Միջին ճնշմամբ, միջին թողունակությամբ ցայտաղբյուրն օրական ծախսում է 3-5 խորանարդ մետր ջուր։ Այս նորամուծության շնորհիվ ծախսը նվազում է գրեթե 10 անգամ»։
Նկար 5
Մայրաքաղաքի շուրջ 3000 ցայտաղբյուրները միասին տարեկան մոտ 4.3 միլիոն խորանարդ մետր ջուր են օգտագործում:
 
Ակնհայտ է, որ համակարգի ներդրման դեպքում ջրի տնտեսումն առավել քան շուշափելի է լինելու: Սակայն կարևոր է նաև փականներին խնամքով վերաբերվելը:
Պիլոտային ծրագրի շարունակության հավանականությունը զգալիորեն կախված է նորամուծությանը սպառողների վերաբերմունքից:
 
Բնակիչների արձագանքն, իհարկե, միանշանակ չէ։ Շատերը կողմ են, ոմանք էլ կարծում են, որ ջուրը մշտապես հոսելու դեպքում կարող է միայն  սառը լինել: Մինչդեռ սարերից Երևան հասնող ջուրն առանց այդ էլ սառն է, բարձրորակ ու հաճելի:

Գործը նոր է թափ առնում, սակայն փականից դժգոհողները որոշ վայրերում արդեն հասցրել են վնասել ծորակները: 
Նկար 8

«Մի երկու տեղ տեսել եմ, որ նորը փականը հանել են ու հինը վերատեղադրել», - ասում է «Կենտրոն»-ի աշխատակից Հրաչ Կնյազյանը:
 
Նոր փականները կոտրողներին «Վեոլիա ջուր» ընկերությունը վստահեցնում է՝ խնայված ջուրը դեպի իրենց բնակարաններ է հոսելու և օգտվելու է բնակիչը:
«ԷՐԵԲՈՒՆՈՒ» ՄԵԿ ՕՐԸ
Ջրմուղագործի օրը տարվա բոլոր եղանակներին սկսվում է «սկզբից»՝ օրվա անելիքը որոշելուց: Իսկ նրանում, որ անելիքը վերջ չունի, կարելի է համոզվել, մեկ օր անցկացնելով ջրմուղագործների հետ: Անելիքի նպատակն էլ մեկն է՝ բաժանորդին ժամ առաջ ջուր հասցնելը:
Ընկերության «Արևելք» շահագործման տնօրինության «Էրեբունի» տեղամասում առօրյան սկսվում է «1-85 հեռախոսային կենտրոնի» փոխանցած տվյալների քննարկմամբ: Շուրջօրյա ռեժիմով աշխատող այս ծառայությունը վաղ առավոտյան աշխատակազմին է փոխանցում բնակիչներից ստացած ահազանգերի, վթարների ու առաջացած այլ խնդիրների ցուցակը: Իսկ սպասարկման տարածքը զգալի է. Էրեբունի եւ Նուբարաշեն վարչական շրջաններ, Արարատի մարզի՝ Խարբերդ, Բարձրաշեն, Դիտակ և Ջրաշեն գյուղեր: «Էրեբունին» ջուր է տալիս մոտ 40.000 բաժանորդի:
Էրեբունի
Տեղամասի գլխավոր ճարտարագետը Հենրիկ Մարտիրոսյանն է, ով էլ տեղեկանում է թե ինչ խնդիրներ կան օրակարգում՝ արագ արձագանքման համար: Հիմնականում կատարվում են վթարային կամ ցանցի կարգաբերման աշխատանքներ: Վթարները վերացնելու առաջնահերթությունը որոշվում է իրադրությունից ելնելով: Այսինքն, եթե վթարի պատճառով ջուրը տներն է լցվում, ուրեմն հենց դրանից էլ սկսում են աշխատանքի գործնական մասը: Եթե նմանօրինակ վթար չկա, հերթապահ բրիգադը շտապում է օրվա ամենամեծ վթարի տարածք: Իրավիճակը պարզելուց հետո, բանվորական ուժը համալրվում է համապատասխան տեխնիկայով, ճանապարհային նշաններով, գործիքներով և` ի գործ:
Մեր այցելության պահին, բրիգադն արդեն գործի էր Էրեբունի փողոցում: Այստեղ ջրագիծն էր վթարվել: Ճանապարհային նշանները տեղադրելուց և համապատասխան ինժեներական նախապատրաստությունից հետո անձնակազմ ու տեխնիկան անցնում են հողային աշխատանքներին: 
66-ամյա Ալբերտ Չիլինգարյանը վթարի վերացման մասնակիցներից մեկն է, ինչպես ինքն է իրեն ներկայացնում՝ «մարդկանց ջուրը միացնողներից է»: Համակարգում է արդեն 21 տարի, ինչ վթար ասես, որ չի տեսել: Հիմնական մասնագիտությամբ ավտոմեխանիկ է, բայց կյանքի բերումով ջրմուղագործ է դարձել: Գործն իհարկե ծանր է, սակայն ջրմուղագործին այն չի խանգարում քիչ այլ աչքերով նաեւ կյանքին ու շրջապատին. «Հաճույքով եմ կրում նարնջագույն համազգեստս, միակ բանը, որը մի քիչ սրտովս չէ՝ բողոքող քաղաքացին է, բայց դա էլ է ժամանակավոր, նույն այդ քաղաքացին արդեն վթարը վերացնելուց հետո ժպիտով շնորհակալություն է հայտնում, դա մեր գործի ամենահաճելի մասն է», - ասում է նա ու ցեխի մեջ՝ ռետինե կոշիկներով կանգնած շարունակում աշխատանքը: Խոսելու ժամանակը չէ, մյուս վթարներն իրենց են սպասում: Իսկ այս մեկը վերացնելու համար անձնակազմից պահանջվեց շուրջ երկու ժամ լարված աշխատանք:
Ջրամատակարարման ցանցը Էրեբունիում հին է, աշխատանքներ են ընթանում տարածքի շուրջ 80 տոկոս ջրագծերը նորացնելու ուղղությամբ: Հենց ցանցի հնամաշ լինելն է պատճառը, որ այստեղ ամսական շուրջ 150-170 վթար է լինում: Բայց հետաքրքիրն այն է, որ դրանց ազդեցությունը ավելի ու ավելի քիչ են զգում սպառողները: Նախկինում, բաշխիչ ցանցի անկատարելության պատճառով, անգամ մի փոքր վթարի վերացման համար ստիպված մի ամբողջ թաղամաս էր ջրանջատվում: Հիմա իրավիճակն այլ է: Դիտահորերի ու դրանց փականների արդիականացման շնորհիվ ջրանջատումները հնարավորինս տեղայնացվում են: Մյուս կողմից, մասնագետների որակավորումն է տարեցտարի բարձրանում: Մարդիկ սովորել են կատարել աշխատանքներ անգամ ջրի շարունակվող հոսքի պարագայում: Դրա համար էլ ամեն վթար չէ, որ ջրանջատման է բերում:
Նաեւ նոր տեխնիկան ու սարքավորումներն են օգնում արագ ու արդյունավետ աշխատել: Հին ավտոպարկի կողքին տեղամասում աչք են զարնում նոր մեքենաներն ու տեխնիկական միջոցները: Սակայն ինչքան էլ դրանք շատ լինեն, միևնույնն է՝ միշտ գործ կա անելու: Իսկ գործի հիմքը ջրմուղագործն է, իր վերաբերմունքով, մոտեցումներով ու շահագրգռվածությամբ: «Էրեբունիի» արդյունքները վկայում են. տեղամասում մարդկային գործոնն իր բարձրության վրա է:
ՎԹԱՐՎԱԾ ՋՐԱԳԻԾՆ «ԱՆՑԱՎ ԿԵՆՍԱԹՈՇԱԿԻ»

ԳԵղարքունիքի Գավառ քաղաքի Ազատության փողոցի 4, 5, 6 շենքերը սնող 100 միլիմետրանոց պողպատյա ջրագիծը պատկառելի տարիքի էր. շահագործվում էր դեռևս 1970-ականներից: Բնական է, որ քայքայված էր և ամբողջովին վթարային: Մի խոսքով, վաղուց դրա «կենսաթոշակի անցնելու» ժամանակն էր:

Նշված շենքերի հուսալի շարունակական ջրամատակարարման համար հարկ էր ջրագիծը փոխել, մուտքագծերն էլ արդիականացնել: Դրա համար «Արեւելք» տարածաշրջանային տնօրինության «Գավառ» տեղամասի աշխատակիցները փողոցի ջրագծի այդ մոտ 250 մետրանոց հատվածը փոխարինեցին նորով, պոլիէթիլենայինով:

Հիմա այստեղ ջրի նախկին՝ 7-8 լիտր վայրկյանում կորուստն էլ չկա, ճնշումը տեղն է, սպառողները՝ գոհ: Վեոլիա ջուրն էլ է բավարարված՝ ջրագիծը շահագործվում է հուսալի:

գեղարքունիք
ՃՆՇՈՒՄԸ ԿԱՐԳԱՎՈՐՎԵՑ, ԲՈՂՈՔՆԵՐԸ ԴԱԴԱՐԵՑԻՆ

Երեւանի Սարի Թաղի 6-րդ փողոցի բնակիչներին տարիներ շարունակ հուզող խնդիրը լուծվեց:

«Արևելք» տարածաշրջանային տնօրինության «Կենտրոն» տեղամասի կողմից տեղի քայքայված ու վթարված մետաղական 92 մետրանոց ջրագիծը փոխարինվեց պոլիէթիլենայինով: Միաժամանակ դրանից սնուցվող 10 բաժանորդների մուտքագծերի միացումներ տրվեցին՝ նորից պոլիէթիլենային խողովակներով, ինչպես նաև տեղադրվեցին համապատասխան փականներ։

Կանոնավոր ջրամատակարարումը եկավ փոխարինելու բաշխիչ ցանցում ճնշման անկմանն ու բնակիչների դժգոհությանը:

sari tax
ՎԹԱՐԱՅԻՆ ՎԻՃԱԿԸ ՇՏԿՎԵՑ
     Գեղարքունիքի մարզի Մարտունի քաղաքի Երևանյան 42 շենքին ջուր էր տրվում դեռ 1970-ականներին կառուցված 120 մետրանոց ջրագծով: Անցած տասնամյակները բնականաբար արել էին իրենց գործը: Խողովակը քայքայվել էր ու ջրի կորուստ էր տալիս: Դրանից բացի, այն «խաչված էր» կոյուղատարի հետ և չէր համապատասխանում տեխնիկական նորմերին՝ պարբերաբար հարուցելով վթարներ։ 
26.06.2018

     Իրավիճակը շտկելու նպատակով «Արևելք» տարածաշրջանային տնօրինության «Մարտունի» տեղամասը օրերս իր դարն ապրած մետաղական խողովակաշարը փոխարինեց պոլիէթիլենայինով: Լուծվեց նաեւ կոյուղագծի եւ ջրագծի «խաչման» խնդիրը. կառուցվեց 24 մետր երկարությամբ նոր կոյուղագիծ իր երկաթբետոնե ծածկ ունեցող դիտահորով:
     Կատարված աշխատանքների արդյունքում խնայվել է վայրկյանում 3 լիտր ջրաքանակ, բարձրացել է ջրատար և կոյուղատար համակարգերի շահագործման հուսալիությունը, բացառվել են հաճախադեպ վթարները եւ կրճատվել շահագործման ծախսերը։
ԴԱՇՏԱՔԱՐՈՒՄ ՋՐԻ ԽՆԴԻՐԸ ԿԱՐԳԱՎՈՐՎԵՑ
     Արարատի մարզի Դաշտաքար համայնքի Կենտրոնական փողոցը սնուցող ջրագիծը, որը նախկին ջրամատակարար կազմակերպության կողմից կառուցվել էր անորակ պոլիէթիլենային խողովակներով, ամբողջությամբ դեֆորմացվել էր և պիտանի չէր հետագա շահագործման։ Վնասված էր նաև ջրագծից սնվող թվով 32 բաժանորդների անհատական միացումները, ինչը պատճառ էր հանդիսանում անընդհատ կրկնվող՝ մեծ ջրակորուստով վթարների առաջացմանը։
13.06.18

     Խնդրի կարգավորման համար «Վեոլիա Ջուր» ՓԲԸ «Արևելք» տարածաշրջանային տնօրինության «Արարատ» տեղամասի կողմից հունիս ամսին ամբողջովին վերակառուցվեց վթարված խողովակաշարը։ Ջրագծի հիմնական 400 մետրանոց հատվածը փոխարինվեց 90 միլիմետրանոց, իսկ մնացած 300 գծամետր երկարությամբ մասը՝ 75 մմ տրամագծով պոլիէթեիլենային խողովակներով։ Փոխարինվեցին նաև 200մ ընդհանուր երկարությամբ անհատական միացումները, ինչպես նաև բոլոր բաժանորդների ջրամիացման կետերին կից կառուցվեցին ջրաչափական դիտահորեր, որոնց մեջ առաջիկայում կտեղադրվեն նոր ջրաչափեր։
ՋՐԱՇԵՆ: ՔԱՅԼ ԱՌ ՔԱՅԼ ԱՌԱՋ

     Արարատի մարզի Ջրաշեն գյուղի եւս մեկ՝ Հ․ Բաղրամյան փողոցում ավարտվեց դեռևս մայիս ամսին սկսված վթարված պողպատե ջրագծի փոխարինումը:

13.06++


     Քայքայված խողովակաշարի վրա, որից սնվում էր թվով 27 բաժանորդ, առկա էր բազմաթիվ վթարներ և ապօրինի միացումներ։ Տարածքի բնակիչների ջրամատակարարման բարելավման և ապօրինի միացումների բացառման համար՝ «Արևելք» տարածաշրջանային տնօրինության «Էրեբունի» տեղամասի և Ջրաշենի գյուղապետարանի համատեղ ուժերով, «գործող» 100մմ տրամագծով պողպատե ջրագծի 650 մետր երկարությամբ հատվածը փոխարինվել է նոր 110 միլիմետրանոց պոլիէթիլենայինով, ինչպես նաև բաժանորդների ջրամիացման կետերին կից կառուցվել են ջրաչափական դիտահորեր և տեղադրվել նոր ջրաչափեր։
     Կատարված աշխատանքների արդյունքում բարելավվել է ջրամատակարարումը, բացառվել են ապօրինի միացումները, բարձրացել է ջրագծի շահագործման հուսալիությունը, կրճատվել են շահագործման ծախսերը։

ՋՐԱՇԵՆ: ՀԵՐԹԸ ՀԱՍԱՎ ԳՐԻԲՈՅԵԴՈՎ ՓՈՂՈՑԻՆ

     Արարատի մարզի Ջրաշեն գյուղում համայնքապետարանի ու Վեոլիա Ջրի համատեղ ուժերով շարունակվում է բաշխիչ ցանցի արդիականացումը՝ փուլ առ փուլ եղանակով:
      Աշխատանքների հերթական հասցեն Գրիբոյեդով փողոցն էր, որտեղ անհրաժեշտ էր փոխարինել ողջ խողովակաշարը: Այն վթարային էր ու հետագա շահագործման համար ոչ պիտանի, դրանից բացի, անցած տասնամյակներին «հագեցել» էր բազմաթիվ ապօրինի միացումներով:
     Առկա խնդիրների արմատական լուծման նպատակով, «Արևելք» տարածաշրջանային տնօրինության «Էրեբունի» տեղամասի ու համայնքապետարանի կողմից փողոցի 100մմ տրամագծով 320 մետրանոց պողպատե խողովակաշարը փոխարինվեց 75 միլիմետրանոց պոլիէթիլենայինով: Միաժամանակ, բոլոր 35 բաժանորդների ջրամիացման կետերին կից կառուցվեցին ջրաչափական դիտահորեր, որտեղ տեղադրվեցին նոր ջրաչափեր։

Ջրաշեն 3


     Հիմա այստեղ մենք ունենք բարելավված ու կանոնավոր ջրամատակարարում, սպառվող ջրի հստակ հաշվառում եւ հուսալի շահագործվող ջրագիծ:

ՋՐԱՇԵՆՈՒՄ ՇԻՆԱՐԱՐՈՒԹՅՈՒՆԸ ԿԻՐԱԿԱՆԱՑՎԻ ՓՈՒԼԵՐՈՎ

     Վեոլիա Ջուրը Արարատի մարզի Ջրաշեն գյուղում գյուղապետարանի հետ համատեղ փողոց առ փողոց ջրաշինարարական ակտիվ աշխատանքներ է սկսել:
       Ջրմուղագործների առաջին հասցեն Հ․Բաղրամյան և Մ․Գորկու փողոցներն էին: Բանն այն է, որ տարիներ շարունակ նշված փողոցներում ջրամատակարարումն իրականացվել է 100մմ տրամագիծ ունեցող վթարված պողպատե ջրագծով։ Դե իսկ վթարը նշանակում է ջրի անբավարարություն ու գրաֆիկի խախտում: Զարմանալի չէր, որ վերջինից սնվող 26 բաժանորդները մշտապես բողոքում էին անբավարար ջրամատակարարումից: Դրանով էլ բացատրվում է «Արևելք» տարածաշրջանայիի տնօրինության «Էրեբունի» տեղամասի հենց այստեղից աշխատանքները սկսելու որոշումը:

Ջրաշեն


       100 մմ պողպատե ջրագծի 480 գծամետր երկարությամբ հատվածն օրերս փոխարինվեց նոր 75մմ տրամագիծ ունեցող պոլիէթիլենե ջրագծով, ինչպես նաև 26 բաժանորդների ջրամիացման կետերին կից կառուցվեցին ջրաչափական դիտահորեր, տեղադրվեցին նոր ջրաչափեր։
       Կատարված աշխատանքների արդյունքում բարելավվեց նշված փողոցների ջրամատակարարումը, բացառվեցին ապօրինի միացումները, բարձրացավ ջրագծի շահագործման հուսալիությունը` միաժամանակ կրճատվելով շահագործման ծախսերը։

Ջրաշեն 2
ԱԿՆԱԼՃՈՒՄ ՈՒ ՔԱՐԱԿԵՐՏՈՒՄ՝ ՋՈՒՐԸ ՇՈՒՐՋՕՐՅԱ

     Ոչ հեռու անցյալում Արմավիրի մարզի Ակնալիճ համայնքում ջրամատակարարումն իրականացվում էր 6 ժամյա ռեժիմով, իսկ Քարակերտում՝ անգամ ոչ ամենօրյա: Դրա պատճառը նաեւ այդ բնակավայրերում առկա գաղտնի վթարներն էին, ապօրինի միացումները, ջրի կորուստը։
     Շատ գործ ունեին այստեղ անելու ընկերության «Արևելք» տարածաշրջանային տնօրինության Գոտիավորման խմբի և «Արմավիր» տեղամասի մասնագետները իրավիճակը շտկելու համար: Աշխատանքի սկիզբը համայնքների բաշխիչ ցանցի ուսումնասիրությունն էր, իսկ վերջը՝ խնդրի լուծումը: Ջրմուղագործների մոտ սկիզբը լավ դրվեց, վերջն էլ ստացվեց առավել քան գոհացուցիչ:

Մայիս


     Անցած ժամանակամիջոցում Ակնալճի Ավետիսյան, Արարատյան, Շահումյան, Շիրակի, Ձորափի, Ազատամարտիկներ փողոցներում հայտնաբերվել ու վերացվել է թվով 8 գաղտնի վթար, փոխարինվել է վթարային վիճակում գտնվող մոտ 150 գծամետր ջրագիծ։ Դրա արդյունքում խնայվել է վայրկյանում մոտ 6 լիտր ջուր, որի շնորհիվ հնարավոր է դարձել վերագործարկել չշահագործվող ջրաճնշման աշտարակն ու նախկին 6-ժամյա գրաֆիկի փոխարեն ջրամատակարարումն իրականացնել շուրջօրյա ռեժիմով։
     Քարակերտում էլ քիչ գործ չի արվել: Համայնքում հայտնաբերվել և վերացվել է թվով 7 գաղտնի վթար։ Փոխարինվել է վթարային վիճակում գտնվող մոտ 75 գծամետր խողովակ, ինչպես նաև շահագործումից հանվել է 100 մմ տրամագծով 60 մետր թուջե ջրագիծ։ Այստեղ էլ է խնայվել ջուր՝ մոտ 9 լ/վ քանակով։ Վերջինս ուղղորդվել է բնակավայրը սնուցող օրվա կարգավորիչ ջրամբար՝ ինչն էլ հնարավորություն է տվել անցնել շուրջօրյա գրաֆիկի:
Տասնամյակներ շարունակ իրենց կենցաղի բաղկացուցիչ մաս կազմող ու անլուծելի թվացող խնդրի մասին այստեղ արդեն անցյալով են խոսում: Ավելի ճիշտ հիշում են, որպես մղձավանջային երազ, որից իրենց արթնացրեց Վեոլիա ջուրը:  

ՋՈՒՐԸ ՎԱՐԴԱՆԻՁՈՐՈՒՄ ՆՈՐԻՑ ՇՈՒՐՋՕՐՅԱ Է
     Ահազանգը Մեղրու տարածաշրջանի Վարդանիձոր գյուղից ստացվեց առավոտյան մոտ 9:30-ին: Բնակիչները հաղորդում էին, որ տեղում առկա է ջրագծի վթար՝ մեծ արտահոսքով։ Վեոլիա Ջրի «Արեւելք» տարածաշրջանի տնօրինության «Մեղրի» տեղամասի աշխատակիցներն անմիջապես ձեռնամուխ եղան վթարի հայտնաբերմանն ու վերացմանը:

    Վթարի վայրի ուսումնասիրությամբ պարզվեց, որ մի քանի տեղով վնասվել էր 110մմ տրամագծով պոլիէթիլենե խողովակաշարը, որի հետևանքով խախտվել էր գյուղի շուրջօրյա ջրամատակարարումը։ Խնդրին լուծում տալու նպատակով հաշված ժամերի ընթացքում խողովակաշարի վթարված հատվածները փոխարինվեց նորով։  Եւ արդեն 16:00-ին գյուղի ջրամատակարարման ռեժիմը վերականգնվեց:

19.01.2018