![](/sites/g/files/dvc2946/files/styles/default/public/image/2022/10/IMG-5c43cf700193e68dc60c5928db01c3fc-V.jpg.webp?itok=lDAU7j_9)   



 Կորեայի ձոր կոչվող տարածքում «Արզնի 2 – Երևան» մայրուղային ջրատարի շրջանցիկ հատվածը միացվեց գործող խողովակաշարին:

Այստեղ հողի շարունակվող սողքի պատճառով հաճախակի վթարվում է Հրազդան գետի ձախ ափով ձգվող ջրատարը, որը հանգեցնում է երկարաժամկետ ու լայնածավալ ջրանջատումների:

Նաև Հրազդան գետի հունն է նեղացել՝ տեղ-տեղ կազմելով ընդամենը 3-5 մետր, որի հետևանքով տարածքում առաջացել են խողովակաշարի աշխատանքը խոչընդոտող ջրի կուտակումներ:

Խնդրի լուծման նպատակով Վեոլիա Ջուր ընկերությունը կառուցել է Հրազդան գետի աջ ափով ձգվող 210 գծամետր նոր ջրատար, որը նախապես լվանալուց ու ախտահանելուց հետո միացվեց «Արզնի 2 – Երևան»-ին:

Շուրջ 35 մլն դրամ արժեքով ծրագրի ավարտին անցյալում կմնան հաճախակի ջրանջատումներն ու ջրատարի շահագործման դժվարությունները: